დაცვის პოლიციის დეპარტამენტის თავმჯდომარემ ამავე დეპარტამენტის ქალაქ თბილისის სამმართველოს ახალი ხელმძღვანელი წარადგინა. აღნიშნულ თანამდებობაზე გიორგი ხიდეშელი დაინიშნა. გიორგი ბაგრატიონმა ახალი ხელმძღვანელი ქალაქ თბილისის სამმართველოს თანამშრომლებს პირადად წარუდგინა. პოლიციის პოლკოვნიკი გიორგი ხიდეშელი შინაგან საქმეთა სამინისტროში 1998 წლიდან მუშაობს. 2002 წელს მან დაამთავრა შსს-ს აკადემია და ამავე წლიდან სამინისტროში სხვადასხვა თანამდებობა ეკავა. 2018 წლიდან დღემდე გიორგი ხიდეშელი კახეთის პოლიციის დეპარტამენტის დირექტორის მოადგილე იყო.
