დაცვის პოლიციის დეპარტამენტის ინკასაციის სამმართველოს თანამშრომლები შსს-ს აკადემიაში ტაქტიკური და საცეცხლე მომზადების გეგმიურ კურსს გადიან.
კურსის მიზანი თანამშრომელთა პროფესიული დონის ამაღლებაა. 300-მდე თანამშრომელი მომზადებას ეტაპობრივად გადის. 2 დღიანი კურსი შემდეგ ეტაპებს მოიცავს: თეორიული მასალის გაცნობას, სხვადასხვა სახის იარაღის მოხმარების წესის შესწავლასა და პრაქტიკულ ნაწილს. სწავლება 3 თვის განმავლობაში გაგრძელდება.
ინკასაციის სამმართველოს თანამშრომლებს, ისევე როგორც დაცვის პოლიციის სხვა ოპერატიულ დანაყოფებს თეორიული და პრაქტიკული სწავლებები პერმანენტულად უტარდებათ. დაცვის პოლიციის საინკასაციო მომსახურებით საქართველოს მასშტაბით საბანკო სექტორი და მიკროსაფინანსო ორგანიზაციები სარგებლობენ
