შინაგან საქმეთა სამინისტროს დაცვის პოლიციაში შიდა საფეხბურთო ფინალური მატჩი გაიმართა. ფინალურ ეტაპზე ერთმანეთს ქვემო ქართლის რეგიონალური სამმართველოსა და ქალაქის მთავარი სამმართველოს გუნდები შეხვდნენ.
დაძაბული თამაშის ძირითადი დრო ფრედ დასრულდა, საბოლოოდ გამარჯვება ქალაქის მთავარი სამმართველოს გუნდმა პენალტების სერიით მოიპოვა.
გამარჯვებული გუნდი დაცვის პოლიციის დეპარტამენტის თავმჯდომარემ გიორგი ბაგრატიონმა დააჯილდოვა. ასევე, გამოვლინდა ჩემპიონატის საუკეთესო მეკარე, ბომბარდირი და მოთამაშე.
შიდა საფეხბურთო ჩემპიონატი დაცვის პოლიციის დაარსებიდან 18 წლის აღსანიშნავი ღონისძიების დასრულების შემდეგ გაიმართა. უწყება აღნიშნულ სპორტულ აქტივობას თანამშრომლებში შიდა კომუნიკაციის გაუმჯობესებისა და ჯანსაღი ცხოვრების წესის პოპულარიზებისთვის ყოველწლიურად ატარებს.
